吊碑井

吊碑井（粵拼：diu3 bei1 zeng2），又叫福泉井（fuk1 cyun4 zeng2），係中國廣東省廣州市嘅一個古蹟，喺越秀區六榕路61號門口附近。呢個井係一個宋朝名井，又係廣州九大名井之一。2002年9月俾市政府列為登記保護文物，2015年定爲市文物保護單位。

結構

呢個井用咗好似嚿碑嘅紅砂岩石嚟整，所以成個井睇落去係紅色。其中上半部分喺井邊，下半部分斜掛喺水入面。個井幾大下，好似有嚿石碑吊喺水上邊噉。井口直徑35公分，井深大概7米，水味比較正。

傳說話呢個泉比較清甜，引咗好多白鶴同蝙蝠過嚟，而白鶴係仙禽，蝙蝠就代表福氣。百姓希望藉噉滋潤萬物嚟造福一方。