吳偉英

吳偉英（粵拼：ng4 wei2 jing1；1970年—）係一位已經退咗役嘅中國女子足球代表隊嘅足球員兼足球導師，廣東省梅州市興寧縣人。呢位足球員喺女子足球界入面出咗名，喺1984年嗰陣俾波迷話佢係「泥鰍仔」同「快馬」嘅名。佢喺1987年俾亞足聯話咗係亞洲最佳女足運動員。

生涯

吳偉英喺1970年出世喺廣東省梅州市嘅一個鄉村入面，自細就鍾意足球。就喺1984年，佢入選咗中國國家女子足球隊，嗰時佢先至14歲。到咗1987年嘅女足亞洲盃入面，佢幫咗中國國家隊喺決賽入面搞掂咗日本仔先至攞咗亞洲盃冠軍，喺賽後重攞埋亞洲最佳女足運動員嘅稱號返嚟。佢甚至喺1990年嘅北京亞運會女子足球是入面同埋隊友一齊攞埋冠軍添。就喺1991年FIFA女子世界盃入面射入咗女足國家隊喺世界盃歷史以嚟嘅第一粒入波。就時隔2年（1993年）嘅世界大學生運動會嘅足球決賽入面搞掂咗美國隊而攞咗第一個世界大賽嘅冠軍，嗰時佢係最後一次喺國家隊嗰度踢波。喺佢退咗役之後入咗廣東省體育局度做嘢一直到2014年先至轉咗入校園足球嗰度。

攷

• 当年铿锵玫瑰今日足球导师 吴伟英的足球新征程 羊城晚报 （2015-1-26 A12版）