吳家聲
| 吳家聲 Ng Ka-sing | |
|---|---|
| 出世 | 1996年（27–28歲）.svg){kind=small} 英屬香港 |
| 國籍 |  中國（香港） |
| 出名原因 | 打死佢女友葉芷清再棄屍 |
| 刑事指控 | 謀殺罪 |
吳家聲 （英文：Ng Ka-sing，1996年—），係香港荃灣屠房嘅工人，同時係元朗棄置屍體案嘅主犯。佢俾人稱為「陳同佳2.0」。喺2022年4月，吳家聲打死咗佢女朋友葉芷清，之後喺2022年4月29日推住裝住葉芷清屍體嘅手推車時俾途人發現，隨即俾警方拘捕，並以謀殺罪同非法處理屍體罪起訴，現時仲還押緊。
生平
[編輯]吳家聲最初同前女友住喺屯門福亨村嘅一間擋房，期間多次俾前女友欺負，仲話佢前女友呃佢感情，仲帶陌生男人返屋企，但吳淨係覺得兩個人只係短暫嘅聯繫。最尾兩人分手，吳家聲搬離咗福亨村。[1]
之後，吳家聲喺荃灣屠房做嘢，喺工作期間識咗葉芷清，兩人發展成為情侶，仲喺田廈路富安花園一個單位一齊住。不過，吳家聲話自己又遇人不淑，指佢女友除咗收人錢之外，仲有吸毒嘅習慣。
命案
[編輯]喺2022年4月尾，葉芷清為咗減肥，聽取吳家聲同朋友嘅建議，認為唔瞓覺可以幫助減肥，吳家聲仲喺場協助。經過幾日不眠不休之後，葉芷清突然暈咗，之後無再醒過。吳家聲同朋友用唔同嘅方法試圖叫醒佢，期間仲有人用木棍扑咗葉芷清後腦，導致佢受傷昏迷。吳家聲當時冇意識到，最尾葉芷清因救治不及而死亡。[2][3]4月29日，吳家聲將屍體搬離咗單位想棄置，點知當場俾市民發現並報警。最後，吳家聲同埋另外兩男一女一齊俾警方拘捕，並以謀殺同非法處理屍體罪起訴。[4]
睇埋
[編輯]參考資料
[編輯]- ↑ 香港01:洪水橋謀殺案｜舊街坊指疑兇人品善良多次被女友欺負,2022年4月29日
- ↑ 〈拖屍案｜疑兇辯稱助減肥 禁睡錯手打死女友〉。《頭條日報》 (香港中文)。2022-05-01。原著喺2022-08-06歸檔。喺2019-08-18搵到。
- ↑ 〈元朗田廈路謀殺案 傳疑兇助減肥錯手毆斃女友〉。《頭條日報》 (香港中文)。2022-05-01。原著喺2022-08-06歸檔。喺2022-05-01搵到。
- ↑ 〈街頭運屍案25歲男涉殺女友 3人被控阻埋葬〉。《經濟通》 (香港中文)。2022-05-01。歸檔時間2023-01-25。喺2024-11-16搵到。
{{cite web}}: CS1 maint: bot: original URL status unknown (link)