《呂振中譯本》，係呂振中牧師以一個人嘅力量，將全本《聖經》由希伯來文同希臘文嘅原文翻譯成嘅中文聖經譯本。1970年喺香港出版，盡量以直譯原文為原則翻譯而成，由於採用唔同嘅翻譯原則，呢個譯本嘅譯文比《和合本》更加能夠準確噉保持原文語法嘅結構，不過因為呢個原則會令到部份詞句繁雜，或出現非中國式嘅語法。
