跳去內容

和弦配置

改拎
出自維基百科，自由嘅百科全書
\layout { line-width = #72 ragged-last = ##f \context { \Score \override SpacingSpanner.spacing-increment = #1/2 \override HorizontalBracket.direction = #UP }} \new Staff = "main" \with { \remove Bar_engraver \remove Time_signature_engraver \consists Horizontal_bracket_engraver } << \new Voice \transpose c c' { <>\tweak HorizontalBracketText.text "close voicing"\startGroup_\markup "Ia" << c e g >> <>_\markup "Ib" << e g c' >> <>\stopGroup_\markup "Ic" << g c' e' >> <>^\markup "C" << \new FretBoards \with { alignAboveContext = "main" } \transpose c' c { % undo transpose \override FretBoard.fret-diagram-details.orientation = #'landscape << c e g c' e' >> % chordmode doesn't work here } << c e g c' e' >> >> << \voiceOne e' \new Voice { \voiceTwo << \parenthesize \tweak color "#abb4b9" g c' >> } \new Staff \with { \remove Bar_engraver \remove Time_signature_engraver } \transpose c' c << % undo transpose \new Voice { \clef bass \voiceThree g' } \new Voice { \clef bass \voiceFour <>_\markup "Ia" c } >> >> } >>
同樣係 C 大調和弦，左到右：底音係中央 C 嘅原位（I 或者 Ia）、佢嘅第一轉位（Ib）、第二轉位（Ic）、彈結他通常講嘅 C 和弦、四部和音算做原位嘅一個可能嘅和弦配置[註 1]
\layout { line-width = #72 ragged-last = ##f \context { \Score \override SpacingSpanner.spacing-increment = #1/2 \override HorizontalBracket.direction = #UP }} \new Staff = "main" \with { \remove Bar_engraver \remove Time_signature_engraver \consists Horizontal_bracket_engraver } << \new Voice \transpose c c' { <>\tweak HorizontalBracketText.text "close voicing"\startGroup_\markup "Ia" << c e g b >> <>_\markup "Ib" << e g b c' >> <>_\markup "Ic" << g b c' e' >> <>\stopGroup_\markup "Id" << b c' e' g' >> <>_\markup "drop 2" << g, c e b >> << \voiceOne e' \new Voice { \voiceTwo << \parenthesize \tweak color "#abb4b9" g b >> } \new Staff \with { \remove Bar_engraver \remove Time_signature_engraver } \transpose c' c << % undo transpose \new Voice { \clef bass \voiceThree g' } \new Voice { \clef bass \voiceFour <>_\markup "Ia" c } >> >> } >>
同樣係 C7 和弦，左到右：底音係中央 C 嘅原位、佢嘅第一轉位、第二轉位、第三轉位（Id）、爵士樂講嘅原位 drop 2 voicing、四部和音算做原位嘅一個可能嘅和弦配置[註 1]

和弦配置（英文：voicing），喺音樂，係指理論上構成一個和弦嘅個別音符，實際上點樣實現出嚟[1]。

基本樂理

[編輯]

和弦配置最基本講嘅係原位[註 2]（root position）同轉位（inversion），原位係指根音（root note）擺底，轉位就係指擺底嘅唔係根音[2]。

原位最基本嘅例子就係由喺底嘅根音開始，上面順次序排哂其他音（呢種最基本嘅擺法即係爵士樂所講嘅 close voicing）；最基本嘅轉位就係原位最底嘅一個音或者多過一個音掉高八度。

例如，構成 C 大和弦嘅音符順序係 C-E-G，呢個係原位。如果掉最底嘅 C 去頂，即係 E-G-C，呢個叫 ｢第一轉位｣[註 3]（first inversion），如果再掉到 E 喺底，即係 G-C-E，呢個叫 ｢第二轉位｣（second inversion）。七和弦有四個音符，可以再掉一次（例如 C-E-G-B 掉到變 B-C-E-G），叫 ｢第三轉位｣（third inversion）。

四部和音

[編輯]

喺四部和音，講和弦配置會睇埋間隔，即係一個和弦入面未必係用最近嘅下一個音，而係可能用隔得遠啲嘅同音值音符。其中一個原因係因為泛音列嘅關係，低音排得太密會聽落一嚿嚿，所以通常係越低音會隔得越開；另外亦可能會想避免某啲音程、或者想某部唱或者聽得順啲等等。

例如，喺四部和音嘅角度，C大調嘅 C-G-C-E 算係原位，因為有齊 C、E、G 三個音，而最底嗰個係 C。

結他

[編輯]

喺某啲樂器，最常用嘅和弦配置亦可能唔係最基本嘅順序排。例如，喺結他（唔計古典結他），彈和弦會係用左手撳住一啲線（所謂撳個 chord shape），然係右手撥；某嘅和絃配置會好難撳、撳起嚟好攰等等，所以好多和弦嘅基本彈法係喺唔改變底音嘅大前提下搵一啲冇咁難彈嘅和弦配置。

例如，彈結他嘅基本 C 和弦係 C-E-G-C-E（第一個係中央 C）[3]，比起樂理上講嘅原位多咗兩個音；或者 C7 和弦可能係彈 C-G-B-E[4]，唔係最基本嘅次序。

爵士樂

[編輯]

喺爵士樂，和弦配置分 open voicing、close voicing 同 drop voicing 三大類[5]。所謂 close voicing 即係和弦入面全部用最細嘅音程[6]（例如上面講嘅 C-E-G），而所謂 drop voicing 係指將 close voicing 嘅和弦配置嘅一啲音掉低八度，由高到低數，通常掉低嘅係第 2、3、2 同 3、或者 2 同 4 個音[7]。

爵士樂用 drop voicing 嘅其中一個原因係佢常用嘅七和弦用結他彈出嚟，如果用基本嘅 close voicing 會好難彈，彈出嚟亦唔好聽[8]。

參考資料

[編輯]
  1. ↑ "Voicings". Learning Music (英文). Ableton. 喺2024年10月22號搵到.
  2. ↑ Rubin 2024.
  3. ↑ Chapman 2003, p. 48.
  4. ↑ Chapman 2003, p. 106.
  5. ↑ Beato 2016, 0:05.
  6. ↑ Beato 2016, 0:31.
  7. ↑ Beato 2016, 0:58.
  8. ↑ Beato 2016, 1:07.

註

[編輯]
  1. ↑ 1.0 1.1 括弧入面嗰個音即係對落低音譜號用咗上加線嗰個音，但係喺四部和音，如果真係呢個和弦配置，呢個音正常係屬於 tenor line，唔會寫喺高音譜號嗰度，括出嚟純粹係方便比較。
  2. ↑ 譯名見："root position". 《樂詞網》 (臺灣中文)。臺灣：國家教育研究院。喺2024年8月9號搵到。
  3. ↑ 譯名見："first inversion". 《樂詞網》 (臺灣中文)。臺灣：國家教育研究院。喺2024年8月9號搵到。

參考書目

[編輯]
由「https://zh-yue.wikipedia.org/w/index.php?title=和弦配置&oldid=2199413」收