哈迪斯 (香港)

出自維基百科,自由嘅百科全書
一間響香港沙田馬鞍山新港城中心嘅哈迪斯。
一間響香港灣仔道嘅哈迪斯。

美國連鎖快餐集團哈迪斯(Hardee's)喺1991年進軍香港快餐市場,當時係恆基兆業發展向美國嘅哈迪斯總公司喺1990年購買特許經營牌照嘅項目,由恆基兆業同李兆基大仔李家傑間非上市公司仲宏投資有限公司經營[1][2]

哈迪斯全盛時期有成25間分店,提供比另一間美式連鎖快餐店麥當勞多嘅快餐選擇。[未記出處或冇根據]

食品[編輯]

香港哈迪斯以賣炸薯圈炸雞蘑菇飯為主打。

競爭對手[編輯]

香港哈迪斯嘅主要競爭對手,係以同類快餐食物為主嘅肯德基同麥當勞為主。

全線執笠[編輯]

哈迪斯喺香港業務嘅自1990年代尾開始日漸萎縮,坊間曾多次盛傳香港哈迪斯就嚟全線結業嘅消息,但係喺2006年10月俾香港哈迪斯嘅發言人否認。2006年哈迪斯陸續結束大部份分店,單喺2006年11月底同12月就結束咗荃灣分店同灣仔道旗艦店。2006年12月28號,剩低嘅中環皇后大道中分店同馬鞍山最後兩間分店全線停業,哈迪斯全面退出香港快餐市場。

餐廳發言人話,由於同美國哈迪斯傾唔掂個經營權,加上租金成本上升,令經營困難,所以決定執笠[3][4][5]

執笠之後[編輯]

2014年愚人節,網上傳出哈迪斯即將重返香港,最後證實係愚人節流料。到2016年5月,有飲食媒體問哈迪斯總部會唔會考慮重返香港市場,對方回覆態度都算係正面,話如果搵啱投資者就有機會重返香港市場。

參考[編輯]

  1. 東方日報,2006,哈迪斯撤出亞洲,2006年12月28號睇
  2. 太陽報,2006,港關閉最後兩店 遣散逾百員工 哈迪斯結業撤出亞洲,2006年12月28號睇
  3. 果日報,2006,天水圍小兄弟專程到中環食後一餐 哈迪斯結業食客排隊光顧,2006年12月28號睇. 原著喺2007年1月8號歸檔. 喺2006年12月28號搵到.
  4. 明報,2006,搶購蘑菇飯 送別哈迪斯,2006年12月28號睇
  5. . 原著喺2007年3月12號歸檔. 喺2006年12月28號搵到.

睇埋[編輯]