唂咕 (嘢飲)
唂咕係香港茶餐廳一款飲品，又叫做「荷蘭唂咕」，用唂咕粉沖水而成，味似朱古力，但係唔似阿華田咁加入麥芽精華，或朱古力咁加入糖，無添加其他調味，所以味道比較苦，亦有人認為味道似黑朱古力。[1]
茶餐廳餐牌上通常會寫「荷蘭唂咕」，係因為市面上供應嘅大都源自荷蘭品牌Van Houten。十八世紀初，荷蘭Van Houten家族發明咗將可可豆壓裂，分離出可可脂嘅鹼化工序，提取成可可粉嘅方法，中和咗可可豆原有嘅果實酸味，造就沖可可粉成飲品。唂咕係英文Cocoa嘅諧音。1950年代起西餐廳同茶餐廳只有唂咕供應。一般茶餐廳都會用熱水沖調，有啲餐廳會另外加入牛奶或煉奶，有啲或會加入生雞蛋冲泡唂咕，令唂咕更香滑，亦有一啲餐廳會買入一塊塊固體唂咕，整碎煮融，再加入熱水沖成。後來，先至出現味道偏甜嘅朱古力、阿華田、美祿呢啲味道相約嘅沖劑飲品。[2][3]
類似嘢飲
[編輯]攷
[編輯]- ↑ 在新華茶餐廳呷一口黑朱古力味的荷蘭唂咕
- ↑ 茶餐廳「熱朱」 荷蘭唂咕明報，2017-12-22
- ↑ 〈ViuTV 節目《茶餐廳》集數六〉。原著喺2024年6月14號歸檔。喺2024年6月14號搵到。
