啟德零售館
啟德零售館（英文：Kai Tak Mall）係香港啟德體育園入面嘅零售設備，由3座大樓組成，樓面面積超過70萬平方呎，有約莫二百間舖頭。啟德零售館亦有開設幾間運動學校，同埋保齡球場、攀石牆設施。
3座大樓由東到西分別叫啟德零售館1、啟德零售館2同啟德零售館3：
- 啟德零售館1：建築同啟德體藝館相連，樓高四層，商舖分佈地下到2樓，當中2樓設有美食廣場，而3樓就係保齡球館。大樓西側就有攀石牆。
- 啟德零售館2：係最大嘅一座，連地庫總共有6層，地庫係永旺百貨旗下嘅AEON超市，而地下到4樓有各種商舖。
- 啟德零售館3：係最細嘅一座，樓高四層，商舖分佈地下到3樓，以食肆同教育機構為主。
出面網頁
[編輯]