啟發課程

出自維基百科,自由嘅百科全書
啟發課程嘅標誌

啟發課程英文The Alpha Course)係一個介紹基督教基本教義嘅福音性課程,專門為一啲對基督教信仰有興趣嘅人而設。課程主要透過聚餐、影片同討論,畀參加者循序漸進噉認識信仰,每一節都會探討一個關於信仰嘅問題並引發討論。

啟發起源[編輯]

啟發係由一個短短嘅課程開始,起源於倫敦聖公會聖三一布普頓堂。1990年,甘力克牧師接手啟發,發現喺教會以外有好多人都想了解基督教信仰。時至今日,啟發已經遍佈世界各地嘅教會,當中包括天主教會、東正教會同所有主流新教教派。

三大關鍵元素[編輯]

食物

無論係一班好友一齊聚餐,又或者只係茶點短聚,食物總係能夠拉近人與人之間嘅距離。啟發課程大部份嘅聚會都係以食物開始,畀大家能夠聚埋一齊同互相認識。

短講

短講分為現場或影片兩種形式,每次大概30分鐘,目的係吸引觀眾,並引發進一步嘅討論。短講會探討信仰嘅熱門話題,並解構基督教嘅基本要義,解答例如「耶穌係邊個?」、「咩叫『信咗主』?」、「點解要祈禱?點樣祈禱?」、「神點樣指引我哋?」等問題。

討論

啟發課程係短講之後,畀每個人都有機會根據主題喺小組裏面分享自己嘅諗法同一齊討論。可以畀參加者係一個真誠、友善、同開放嘅環境之中,去聽其他人嘅諗法,同時表達自己嘅觀點。

出面網頁[編輯]