啟發課程

啟發課程（英文：The Alpha Course）係一個介紹基督教基本教義嘅福音性課程，專門為一啲對基督教信仰有興趣嘅人而設。課程主要透過聚餐、影片同討論，畀參加者循序漸進噉認識信仰，每一節都會探討一個關於信仰嘅問題並引發討論。

啟發起源

啟發係由一個短短嘅課程開始，起源於倫敦聖公會聖三一布普頓堂。1990年，甘力克牧師接手啟發，發現喺教會以外有好多人都想了解基督教信仰。時至今日，啟發已經遍佈世界各地嘅教會，當中包括天主教會、東正教會同所有主流新教教派。

無論係一班好友一齊聚餐，又或者只係茶點短聚，食物總係能夠拉近人與人之間嘅距離。啟發課程大部份嘅聚會都係以食物開始，畀大家能夠聚埋一齊同互相認識。

短講分為現場或影片兩種形式，每次大概30分鐘，目的係吸引觀眾，並引發進一步嘅討論。短講會探討信仰嘅熱門話題，並解構基督教嘅基本要義，解答例如「耶穌係邊個？」、「咩叫『信咗主』？」、「點解要祈禱？點樣祈禱？」、「神點樣指引我哋？」等問題。

啟發課程係短講之後，畀每個人都有機會根據主題喺小組裏面分享自己嘅諗法同一齊討論。可以畀參加者係一個真誠、友善、同開放嘅環境之中，去聽其他人嘅諗法，同時表達自己嘅觀點。