單車鎖
單車鎖（Bicycle lock）係單車嘅保安裝置，將單車綁住固定物件鎖實，防止佢畀人偷走。
輪鎖又叫做O形鎖或者環形鎖。呢種鎖嘅安全性比較差。佢安裝喺車架上，將鋼製嘅閂插在後輪嘅輻條之間嚟防止車輪轉動。閂係直條者環狀嘅，喺鎖罩裏面伸出。呢種鎖喺斯堪的納維亞、荷蘭、中華人民共和國、印度同日本呢啲地方成日見到。
O形鎖可以防止車俾人偷走，但係唔可以將部車栓定喺固定物上面。如果只係短時間放低，對臨時起意嘅偷竊係有效嘅。喺荷蘭，住宅區、返工嘅地方同火車站嘅存車處成日用呢種方法嚟保管架車。
仲有，O形鎖亦都便捷咁保護咗後輪：只要上鎖，就同時保護咗車架同後輪。
