囍趣台

出自維基百科,自由嘅百科全書

囍趣台》係香港電視廣播有限公司嘅搞笑節目,由錢嘉樂林曉峰主持,節目名諧音係翡翠台。呢個節目喺2006年頭製作,原定有15集,安排由2006年3月24號開始逢禮拜五19:00到19:30喺翡翠台播,但電視台臨時抽起唔播,節目只係製作咗1集就無再拍落去。忽然抽起唔播嘅原因,有傳係因為內容惡搞無綫唔少高層,題材又敏感胡鬧,當中有個模仿當時電影《斷背山》嘅環節更加係露骨不雅。

抽起11年後,無綫電視喺2017年終於安排唯一一集《囍趣台》喺旗下網絡平臺Big Big Channel喺10月頭播。