四色定理
四色定理或者四色地圖定理（英文：four color theorem，或four color map theorem）係一個數學定理[1]。指只需要4種顏色，就可以填補平面上所有有限區域，鄰接之間唔會撞色，而且唔使用更多顏色。可以將定理應用到地圖上，即係話，任何無外飛地嘅地圖都可以用唔多過四種顏色嚟染色，而且唔會有兩個鄰接嘅地區用同一隻色。鄰接嚟講兩個地區一定要有一段邊界黐住先叫鄰接，淨係一點黐住係唔計嘅，例如右圖左下角嘅部分，黃色同綠色嘅區域係鄰接，綠色同紅色都係，但係黃色同紅色就唔鄰接。
參考
[編輯]- ↑ 潘永祥 (1996)。《《自然科學概論》》 (中文)。五南圖書出版股份有限公司。頁 532。ISBN 9789571111858。