國際航空運輸協會

國際航空運輸協會（英文：International Air Transport Association），簡稱 IATA，係1945年成立嘅世界航空公司行業協會^[1]，總部設喺加拿大嘅滿地可^[2]。截至2023年，IATA 嘅會員來自120 多個國家嘅318間航空公司^[3]，佢哋嘅國際航班客運量佔咗全球83%。除咗為航空公司制定行業嘅技術標準外，IATA 亦都航空公司嘅定價論壇，協調機票價格。

同國際民航組織唔同，佢係全球航空公司嘅行業公會，而且係一個非政府組織。國際航協支持航空公司嘅活動，亦都係制定航空業政策同標準嘅意見機構。除咗滿地可嘅總部之外，仲有一個行政辦公室喺瑞士日內瓦^[2]。