地震
地震（粵拼：dei6 zan3，earthquake）係突然將地表儲起嘅位能放出來嘅現象，而能量係用地震波形式放出來。喺地球表面，好多嘢都會搖動，地面會移動，有時重會有海嘯。呢啲現象好多時都會整死人，財物亦都會受損。
地震可以係天然，又可以係人為。一般嚟講，只要有地震波，就叫做地震。
一般地震都有震級，而且有凈得唯一數字，但可以有好多個烈度。
成因
[編輯]地震產生之所以發生，係因為地殼喺板塊運動嘅過程中累積應力，當地殼無辦法繼續累積應力嘅時候，地殼就會破裂，釋放出地震波，令地面發生震動，地震可由地震儀透過對地震波嘅觀察來量測，地震震級表示地震所釋放出來嘅能量大小，地震烈度指地震喺嗰度造成嘅震動程度，地震嘅發生處稱為震源，佢嘅投影至地表嘅位置為震央。
地震先兆
[編輯]地震到依家仲未可以準確預測到發生時間，但係通常喺地震發生前會有一啲自然現象，特別係較大嘅地震發生之前會有各類異常現象，分咗宏觀先兆同微觀先兆。前者可以由人感官直接覺察，例如動植物、地下水等異常以及地光、地鳴等。後者唔可以用人嘅感官直接擦覺，需要用專業儀器先可以測出，例如地形變、地磁場、重力場、地溫梯度、地應力嘅異常同埋氡氣異常等。對地震先兆嘅觀察同監測仍然係地震短期嘅預報重要手段。
睇埋
[編輯]- 震源
- 震央
- 震源深度
- 震央距
- 震源距
- 烈度 (地震)：量度地震對某一特定地點所受到嘅影響同破壞程度嘅量度單位。
- 斷層：岩石形成節理構造破裂後，兩側岩層發生顯著嘅相對位移。
- 黎克特制
- 熱點 (地質學)（hot spot）喺地質學上係指地球表面長期經歷活躍嘅火山活動地區。
- 地震帶
- 地震一覽
 |