熱點 (地質學)

  想搵第二個意思嘅話，請睇熱點。

幾百萬年嚟，太平洋板塊喺夏威夷熱點上方移動，形成綿延太平洋海底嘅一系列海底山脈

熱點（粵拼：jit6dim2，英文：Hotspot）喺地質學上係指地球表面長期歷經活躍嘅火山活動地區。約翰·圖佐·威爾遜喺1963年有一種諗法，認為好似喺夏威夷群島咁樣嘅火山鏈係板塊緩慢咁移動時經過地表下一個「固定嘅」熱點而形成。熱點被認為係一股比較熱、狹窄嘅地幔喺地函同地核之間嘅邊界開始向上進行對流而形成，呢啲叫「地函熱柱」（mantle plume）。最新嘅地質學上證據將熱點嘅成因指向海洋地殼隱沒至核幔邊界（Gutenberg discontinuity），海洋地殼因佢密度較細而上升，過程中減壓融熔。地質學家已確認出全球40到50個熱點，最活躍嘅熱點包括夏威夷、留尼旺、黃石、加拉帕戈斯群島、冰島等地。

形成

呢個圖顯示住地球岩石圈橫截圈（黃色），岩漿由地幔嘅軟流圈（紅色）升起。下面圖描述咗熱點軌跡由佢哋走動引起。

大部分熱點係玄武岩（例如夏威夷熱點、大溪地熱點，因冇撈埋大陸地殻含矽量較多嘅岩石）。當比較少水被困喺地殼，壓力都較低，佢哋比俯衝帶（subduction zone）火山爆炸力低。喺大陸地殼熱點影響嘅地方，岩漿通過大陸地殼上嚟，融化形成流紋岩（rhyolite）。呢啲流紋岩可以形成強烈爆發。例如，黃石火山（Yellowstone Caldera）係由地理歷史上一啲最強力嘅火山爆發形成嘅。但係，當流紋岩完全爆發時，可能會發生玄武岩漿嘅爆發，佢哋穿過相同嘅岩石圈裂隙上嚟。呢種活動一個例子係英屬哥倫比亞嘅 Ilgachuz山脈，佢係由早期粗面岩（trachyte）同流紋岩爆發嘅複雜系列，以及一系列玄武岩熔岩流喺後期擠出嚟而形成。

熱點嘅假設同地函熱柱嘅假設有緊密關係。

睇埋

• 環太平洋火山帶（Pacific ring of fire）
• 地函熱柱