埃奧華賭錢遊戲

埃奧華賭錢遊戲（Iowa gambling task）係一種心理測量嘅架生。喺呢個遊戲最基礎嗰個版本當中，受試者會俾研究者要求佢哋睇住四疊咭牌，每一張咭牌都會獎或者罰若干量嘅虛擬錢，而四疊咭牌各有唔同嘅獎罰機會；每位受試者有若干次「由四疊咭牌當中揀一疊，再由嗰疊咭嗰度抽一張」嘅機會，佢哋嘅遊戲目標係要盡可能賺最多嘅虛擬錢；研究發現，一般嘅受試者喺抽咗 40 至 50 之後就會識得淨係由獎勵機會高嘅咭疊嗰度抽，不過杏仁核（amygdala；主管情緒嘅一個腦區）有病變嘅人似乎會唔識喺抽到「罰」嘅咭嗰陣驚，搞到佢哋難以學識唔好由懲罰機會高嘅咭疊嗰度抽咭－受試者嘅客觀行為（抽咭）反映心理特性（杏仁核功能）。