城市當代舞蹈團

出自維基百科,自由嘅百科全書
CCDC舞蹈中心

城市當代舞蹈團City Contemporary Dance Company,簡稱CCDC)喺1979年成立,首個作品係喺香港藝術中心上演嘅《尺足》,觀眾剩係得五十人。經過廿幾年嘅經營,舞團已經發展成為香港最大型嘅專業現代舞團,重多次代表香港作國際性嘅巡迴演出,譽為「香港最好嘅文化大使」。舞團而家係香港特別行政區政府資助嘅九大藝團其中一個,每年觀眾同學員有成十萬人次。

城市當代舞蹈團現任藝術總監係伍宇烈,創作主力包括黎海寧邢亮同埋梅卓燕等等,重經常同香港同埋國際嘅編舞家或者其他界別藝術家合作。同時設有CCDC舞蹈中心提供舞蹈課程同埋外展節目,支持香港嘅舞蹈發展。

CCDC舞蹈中心[編輯]

CCDC舞蹈中心 以前係城市當代舞蹈團嘅教育及外展部,喺2004年成立,業務範圍係舞蹈教育、外展計劃、社區表演及藝術推廣。中心重新裝修舞團喺黃大仙,由舞團前藝術總監曹誠淵借出嘅四層大廈團址,重將其中一個排練室改建成賽馬會舞蹈小劇場。

CCDC 舞蹈中心喺 2005年攞到香港舞蹈聯盟頒發嘅「香港舞蹈年獎」,表揚佢哋對香港舞蹈教育、推廣同埋支持。

出面網頁[編輯]