城鄉差距

城鄉差距又叫城鄉差異主要係指中國大陸一種社會現象。

由於城市同農村地區嘅經濟收入出現重大差距，同時城市同農村之間嘅競爭力同發展亦唔平均，咁樣造成城市同鄉村居民除咗收入差距增大，亦令到兩者生活質素同發展差距不斷擴大。

中國發展初期，工業化主要集中喺沿海東部地區，嗰度發展比中、西部鄉村迅速，間接令到城市居民收入比農村人口高，擴大咗兩者之間資金差距。即使城市同農村收入都有所提升，但由於國家選擇先發展沿海城市，再發展內陸地區嘅策略，令到兩者發展步伐唔一致，農村收入追唔上城市，差距變得愈嚟愈大。