基奧格·腓特烈 (普魯士親王)

出自維基百科,自由嘅百科全書
普魯士親王基奧格·腓特烈

普魯士親王基奧格·腓特烈德文Georg Friedrich Prinz von Preußen1976年6月10號—),法定姓名基奧格·腓特烈·費迪南·普魯士親王[1]德文Georg Friedrich Ferdinand Prinz von Preußen;)係德意志帝國末代皇帝威廉二世個玄孫,現時嘅普魯士王位繼承人,荷亨佐倫家族(法蘭克分支)嘅領袖,荷亨佐倫城堡嘅所有人。

此外佢重係英國王位嘅第212順位繼承人[2]。佢曾經響2011年至2015年失去繼承權,因為佢同信羅馬天主教蘇菲·莊娜·瑪利亞結婚、而佢係新教徒,跟據舊王位繼承法,佢失去繼承權。2015年,新王位繼承法實施,允許同信其他教嘅人結婚嘅人擁有繼承權,佢亦因而恢復繼承人身份。

生平[編輯]

基奧格·腓特烈係普魯士王子路易·費迪南同多娜塔·愛瑪個仔,阿爺係時任普魯士親王路易·費迪南,1976年響西德不來梅出世。佢有個細妹。1977年,老豆響一次軍事演習入面發生嚴重事故,隻腳畀人截肢,幾個禮拜後就因為傷口感染而死。

基奧格·腓特烈先後響不來梅同奧登堡學習,之後響蘇格蘭嘅Glenalmond College讀書,通過普通教育高級程度證書。跟住佢響德國聯邦國防軍阿爾卑斯部服役兩年,當兵完咗之後又響費賴堡工業大學攻讀商科。

1994年,阿爺普魯士親王路易·費迪南死咗,基奧格·腓特烈成為普魯士王位繼承人,荷亨佐倫家族(法蘭克分支)領袖,稱為普魯士親王基奧格·腓特烈一世。

佢依家住響柏林,響一間幫大學將佢創新嘅野推向市場嘅公司返工。佢曾經係普魯士公主琪拉基金會嘅管理人,依家由佢太太管理。

佢亦擁有荷亨佐倫城堡三分之二嘅股份,剩底由士瓦本分支嘅卡爾·腓特烈持有。佢仲係Princes' Island嘅持有人。

屋企[編輯]

2011年1月,佢宣佈同遠房表妹蘇菲·莊娜·瑪利亞(Sophie Johanna Maria,1978年3月7號—)訂婚。蘇菲嘅老豆法蘭茲·亞歷山大,係伊森堡-比爾施泰因親王。兩個人響8月15號響波茨坦結婚,當地公共電視台都有現場直播。佢地有四個仔女:

  • 大仔:卡爾·腓特烈
  • 二仔:路易·費迪南
  • 大女:愛瑪·瑪麗
  • 三仔:海因里希·基奧格

參考[編輯]

  1. 根據《威瑪共和國憲法》第109條,所有帝國時期嘅王公貴族頭銜都必須廢除,但係可以作為姓氏嘅一部份存在;另外德國政府嘅 內部指引 互聯網檔案館歸檔,歸檔日期2015年7月24號,.規定,對德國皇室後裔唔可以再用「陛下」、「殿下」之類嘅稱呼。
  2. "Persons eligible to succeed to the British Throne as of 1 Jan 2011" (英文).