基督小先鋒
基督小先鋒係天主教香港教區轄下嘅一個組織，喺2000年代初創立，為香港天主教小學而設，聚集公教同非公教學生嘅信仰團體。
宗旨
[編輯]本著基督嘅精神同信念──愛、真理、公義、和平──透過聖言同祈禱，用行動、聚會、服務，喺朋輩中活出基督。
目標
[編輯]- 信念方面：堅守基督嘅信、望、愛，發揮團隊精神。
- 行動方面：培養團員喺校內成為信仰服務嘅小組，效法基督精神「非以役人，乃役於人」，服務有需要嘅人。
- 態度方面：培養團員積極嘅人生觀，努力向上，面對困難，勇往直前。
成立
[編輯]天主教教育發展委員會喺1998年構思成立校本信仰團體，同年，組成兒童福傳之友，呢個係基督小先鋒嘅雛型。16間教區同修會小學嘅老師組成兒童福傳之友籌備委員會，撰寫組織基督小先鋒計劃書。最初，19間教區同修會小學率先參與先導計劃，同時，籌備委員會編寫團員同團長手冊，設計團服、團章同口號，邀請嚴規熙篤會會士江克滿神父創作團歌。
一切準備就緒，2000年初，天主教教育發展委員會正式成立基督小先鋒，更喺同年二月份喺喇沙中學，舉行基督小先鋒成立暨宣誓典禮，88間天主教小學參與，超過2000位學生一齊宣誓成為基督小先鋒[1]。
參考
[編輯]- ↑ 〈基督小先峰 十周年特輯 回顧篇〉。原著喺2020年6月18號歸檔。喺2020年6月18號搵到。
