基督教靈基營暨中心

出自維基百科,自由嘅百科全書
基督教靈基營暨中心

基督教靈基營暨中心,又叫靈基營,係香港一間宿營營舍,喺新界沙田區城河東秦石邨東面嘅小山丘上面,由香港神託會打理,而家用做退修中心之用。

[編輯]

靈基營嘅前身係舊沙田警署,喺1924年起,同對面銅鑼灣山嘅警署相對。香港日治時期,由於當時未有進行填海,所在嘅位置能夠俯瞰整個沙田區,因此成為咗日軍指揮中心。國共內戰之後,有宣教士將該處改做孤兒院,後來喺1964年增設基督教靈基學校同幼稚園。1966年孤兒院停辦,並喺1973年成為靈基學校嘅一部份。1980年,整個建築群由香港神託會正式接管,叫做香港神託之家基督教靈基營暨中心,為青少年同兒童提供宿營服務。

2008年,香港神託會得到香港公益金贊助,耗資120萬港元重修營舍,並以社會企業模式設立退修中心。退修中心可供任何宗教嘅人士、團體同企業作靜修研討會訓練營工作坊歷奇訓練等用途。

建築[編輯]

起喺1924年嘅舊沙田警署建築,喺2010年8月31號被評為香港二級歷史建築。警署建築佈局呈U字形,前面採用中式瓦頂,牆身就採用英式紅磚,結合咗中西方建築風格。建築物所設計嘅用鐵架支撐同欄杆圍繞嘅陽台,同埋木製嘅樓梯,仍然保存良好。

設施[編輯]

靈基營提供1人房至10人房,一共有81個宿位,並設有活動室、西式茶座同精品店等設施。

參考[編輯]

出面網頁[編輯]

座標: 22°22′27″N 114°11′16″E / 22.3741°N 114.18774°E / 22.3741; 114.18774