增四度

增四度嘅例子

C 同 F# +  Play 45:32 (590.22 cents) 

三全音（tritone；拉丁文：diabolus in musica，「音樂當中嘅魔鬼」噉解），又叫增四度或者減五度，係一個相隔三個全音嘅音程，即係兩個音符喺音高上相隔三個大二度。例如 F 音同 B 音（有 F-G、G-A 同 A-B 三個大二度）就係一個增四度。

增四度係指純四度升半音，減五度係指純五度降半音；喺十二平均律之下，增四度、減五度同三全音都係一樣嘅音程。

增四度喺古典樂上係一個出名嘅不協和和弦：增四度嘅和弦（或者大約隔咗增四度咁長嘅和弦）好多時都係會令好多人都聽到就覺得唔舒服，成日俾人喺恐怖嘅音樂（例如係恐怖遊戲嘅配樂）嗰度用，所以有咗個花名叫「音樂當中嘅魔鬼」。但係爾種不協和嘅特性亦都可以用來突顯下一個和弦嘅協和，而今有用喺和弦進行，亦都間中有喺流行曲嘅旋律入面用。