增廣賢文

《增廣賢文》又叫《昔時賢文》、《古今賢文》，係大明嘅書，作者不知何許人，亦不知何時成書。書集古訓、諺語，講為人處事種種哲理，遍及釋道儒。本書易讀易明，琅琅上口，家喻戶曉，婦孺皆知。人稱「讀咗≪增廣≫曉講嘢，讀咗≪幼學≫行天下」。

大明萬曆年間嘅戲曲《牡丹亭》就提過本書，推斷成書，最遲喺萬曆年間。大明大清都有文人增補，變成家下咁樣，得名《增廣昔時賢文》，通稱《增廣賢文》。作者之名，未見記載，只知道大清同治年間，儒生周希陶重訂過，好可能係民間結集成書。