幼學瓊林

《幼學瓊林》係大明嘅書，畀細路仔讀，啟蒙之用，初時叫《幼學須知》。考據明末所著，著者西昌人程登吉，字允升。大明景泰年間，進士丘濬叫書《成語考》。大清嘉慶年間，鄒聖脈，字梧岡，增補注釋，更名《幼學故事瓊林》。中華民國費有容、葉浦蓀同蔡東藩等，又同書增補。

書係駢體，全係對偶，文字簡煉，對仗工整，易誦易學、易懂易記。全書內容，包羅萬有，諸如天文地理、人情世故、婚姻家庭、生老病死、衣食住行、製作技藝、鳥獸花木、神話傳說等等，無所不包，囊括生活常識及用字。人稱「讀咗《增廣》識講嘢，讀咗《幼學》行天下」。書介紹成語典故，典章制度、風俗禮儀。書中警句、格言，至今仍傳誦不絕。舊時本書喺鄉塾頗流行，流傳廣泛。不過由於出自明清，部份睇法會有啲不合時宜。

書分四卷。卷一天文、地輿、歲時、朝廷、文臣、武職；卷二祖孫父子、兄弟、夫婦、叔侄、師生、朋友賓主、婚姻、婦女、外戚、老幼壽誕、身體、衣服；卷三人事、飲食、宮室、器用、珍寶、貧富、疾病死喪；卷四文事、科第、製作、技藝、訟獄、釋道鬼神、鳥獸、花木。