墮馬

墮馬

墮馬，意外一種，人騎馬嗰陣，由馬上面跌落來。一般騎馬都踩住鐙，咁一跌上半身落地先，好易重傷甚至死，有啲唔死，醫唔好有殘廢。當然亦有啲完好無事。墮馬有記載寫落馬，日本都咁叫。

有啲活動好似馴野馬咁，墮馬就家常便飯。

古時騎馬為主要交通工具，史上記載唔少名人墮地而死。現今搭車駕車唔騎馬，墮馬要見於運動競賽。

史記講賈誼，「居數年、懷王騎、墮馬而死、無後。賈生自傷為傅無狀、哭泣歲餘、亦死。賈生之死時年三十三矣。」漢劉恆梁王劉揖墮馬死。又有吳書講孫堅，「堅乘勝深入、於西華失利。堅被創墮馬、卧草中。」孫堅都墮過馬。

史上有啲話日本源賴朝、蒙古鐵木真都墮馬死。香港史上就賽馬有十零個墮馬死，好似一九九九年見習騎師簡慧榆墮馬死，新聞就多報導。

意外成因都好複雜。有時隻馬有傷有病，又或者隻馬脾性而突然轉向。前面隻馬阻一阻窒住。又或卷入其他馬意外。有人特登搞人或者隻馬。同埋，馬具唔妥，有壞或者裝得唔好等等，都會搞到人墮馬。