壹傳媒大樓畀國安處搜查事件

差人響大樓對外設封鎖線

壹傳媒大樓畀國安處搜查事件係指響2020年8月10號，香港國安處以涉嫌犯《香港國安法》為由，所採取嘅執法行動。事件惹嚟好大爭議。

響行動入面，差人一共拉咗十個人，分別係壹傳媒創辦人黎智英同埋佢兩個仔黎見恩、黎耀恩，另外仲有壹傳媒四位高層張劍虹、周達權、黃偉強同埋壹傳媒動畫公司嘅吳達光，加埋三位社運人士周庭、李宗澤、李宇軒。另外，差人仲進入將軍澳工業邨壹傳媒總部大樓搜查，惹嚟香港同國際好大爭議。