夏千福

夏千福（Clifford A. Hart, Jr.，1961年—）係美國外交官。佢喺2013年7月30號做美國駐香港總領事，負責美國政府喺港、澳嘅事務^[1]。之前，佢獲奧巴馬總統委以大使級別，出任六方會談特使^[1]。

過去卅幾年嘅外交生涯，夏氏曾三次出使中國，一次响前蘇聯，一次响伊拉克^[1]佢曾喺台灣學中文^[1]，識得廣東話^[2]。

除此之外，佢亦出任過白宮國家安全委員會中國／台灣部主任、五角大樓海軍作戰部部長嘅外交政策顧問、國務院台灣協調處處長、國務院屬下協助戰亂國家重建辦公室副協調員、危機管理營運中心副主任等等^[1]。

夏千福曾獲得國務院外交報告最高嘉獎、美國海軍頒嘅最傑出公務員獎、國務院最佳功勳榮譽獎，同美國陸軍功勳文職服務獎^[1]。

夏千福喺維珍尼亞大學獲碩士學位，佢亦係該大學校長獎學金得主^[1]。

拎

前任：楊甦棣	美國駐港澳總領事 2013年－2016年	繼任：唐偉康