返外家

返外家（返讀翻），又叫返娘家，係指已婚婦人由夫家返外家。一般返外家叫歸寧，而迫不得意返外家，叫大歸，例如亡國、遭夫棄、舊時犯七出之條等。而初結婚，亦有回門之禮，亦係返外家一種。

舊俗

傳統習俗來講，女人結咗婚，會以夫為家，唔會三不時就返外家。

歸寧

歸寧係女人思念老竇老母，而返外家嘅習俗。但舊時好多都係外家父母作主，會出信畀夫家長輩，求准個女返外家。不過名義上係唔應該有外父外母出信，因為歸寧係個女思念父母省親，應該有兄弟代出。如果老竇老母都死咗，經已無咗省親嘅意思，就唔叫歸寧。

大歸

大歸係迫不得意返外家，例如亡國、遭夫棄、犯七出之條等。

今俗

今時今日無咁多世俗，男女平等，女人亦未必同夫家家人同住，無舊時咁多規矩，所以女人返外家隨時都可以。但通常喺大時大節左近，又或者父母生日去。