多倫多聖彌額爾主教座堂大殿
地圖
聖彌額爾主教座堂大殿[註 1]（英文：St. Michael’s Cathedral Basilica[註 2]），原本同通常叫聖彌額爾主教座堂（St. Michael’s Cathedral[註 3]），係天主教多倫多總教區主教座堂，1848年開始用，喺多倫多市中心 Bond 街65號，列咗入市政府嘅歷史建築名冊，佢嘅建築風格係哥德復興式，用磚石砌[1]。
間教堂由英裔嘅[2] William Thomas 設計，1845年開始起，1848年起好[1]，同年9月29號（聖彌額爾慶日[3]）祝聖[4]；21世紀初用咗14年做咗次大翻新[5]，但係途中喺2015年6月至2016年9月期間，因為樓宇結構問題成間閂咗佢嚟修理[6]，9月25號重開[3]，9月29號重新祝聖[4]。
翻新工程做咗非常之多嘢，最大工程嘅係將地底嘅墓室[註 4] 改建咗做正式嘅地下聖堂[註 5][5]，除此之外亦都換咗個管風琴，新嘅風琴有 4143 條音管[3]，同特登設計到唔會遮住後面嘅彩色玻璃窗[5]。
佢本來並唔係乜嘢大殿，係到重開之前冇幾耐，2016年9月14號先至列做次級聖殿（minor basilica）[3][4]。
參考資料
[編輯]- ↑ 1.0 1.1 "St. Michael's Roman Catholic Cathedral" (加拿大英文). Ontario Heritage Trust. 喺2024年9月20號搵到.
- ↑ "1 William Thomas" (加拿大英文). Ontario Heritage Trust. 喺2024年9月20號搵到.
- ↑ 3.0 3.1 3.2 3.3 "St. Michael's Cathedral reopens with great fanfare after 5 years of restoration work" (加拿大英文). 加拿大廣播公司. 2016年9月29號. 喺2024年9月20號搵到.
- ↑ 4.0 4.1 4.2 Chow, Gabriel (編). "St. Michael's Cathedral Basilica". GCatholic.org (加拿大英文). Toronto. 喺2024年9月20號搵到.
- ↑ 5.0 5.1 5.2 "+VG Architects celebrates completed renovation of historic St. Michael's Cathedral". Canadian Architect (加拿大英文). October 17, 2016. 喺2024年9月20號搵到.
- ↑ Swan, Michael (September 27, 2016). "Refurbished St. Michael's Cathedral resumes its place in the heart of Toronto". Catholic Register (加拿大英文). 喺2024年9月20號搵到.
註
[編輯]- ↑ 譯名見：〈多倫多華人堂區終身執事聖召：蔡日鵬先⽣將於2024年5月25日晉秩〉 (繁體中文)。鹽與光傳媒。2024年5月24號。喺2024年9月19號搵到。
- ↑ 原文見："Find a parish" (加拿大英文). 天主教多倫多總教區. 喺2024年9月19號搵到.
- ↑ 原文見："Parish Information" (加拿大英文). 聖彌額爾主教座堂. 喺2024年9月20號搵到.
- ↑ 譯名見："crypt". 《天主教英漢袖珍辭典》。主徒會。2001。喺2024年9月20號搵到 。義2
- ↑ 譯名見："crypt". 《天主教英漢袖珍辭典》。主徒會。2001。喺2024年9月20號搵到 。義1
