多倫多街車

多倫多嘅街車；後面嗰架係舊款，已經冇用

多倫多街車 係加拿大多倫多嘅電車系統，亦即係輕鐵網入面冇納入地鐵網嘅部份，由多倫多公車局營運；當局曾經試過幾次將個系統改名做輕鐵，但係唔成功。喺2023年，日頭正常服務嘅有11條綫，夜間服務4條綫，正常路綫全部都係5字頭，路綫全部喺前多倫多市，而且幾乎全部都係喺市中心。

除咗少數大站（例如皇后碼頭站）會寫行車方向之外，絕大部分嘅站都唔寫行車方向，如果唔熟嗰頭，判斷應該去邊個月台等車好多時會要靠估，但係兩個方向嘅側式月台會擺喺路口對角，去錯月台要過三次馬路先過到另一便。