大中華

狹義嘅大中華，即係中國大陸、台灣地區、香港同澳門

大中華包括咗華人係主要居民嘅地方，狹義嚟講係指中華人民共和國政權控制緊嘅中國大陸、香港同澳門，同埋中華民國政權控制緊嘅台灣地區。廣義嚟講，大中華有時重會包埋大馬同星加坡。大中華呢個詞成日用響經濟同商業領域度，例如跨國企業會用到呢個詞嚟分區。

喺大中華地區入面，一般華人都會識得用華語溝通。華語基本上係以標準官話為基礎，但去到唔同地方都有唔同嘅稱呼。