大富翁遊戲史

呢五套大富翁顯示由1935年到2005年期間造型同設計嘅變化。

大富翁遊戲史可以追溯到20世紀初。1903年，伊利沙伯馬琪（Elizabeth Magie）創造最初版本。由1906年去到1930年代，有多個買賣土地同土地建設嘅棋盤遊戲出現。最遲1934年，一個好似大富翁遊戲嘅棋盤遊戲出咗，並且由帕克兄弟同佢嘅母公司，一路出到21世紀。有啲人，多數嚟自美國東岸同中西部，有份參與遊戲嘅設計同改革。

1970年代之前，多數人都話大富翁係查理斯達羅（Charles Darrow）個人作品，說明書有印，連瑪克辛布雷迪（Maxine Brady）寫嘅書《大富翁書：世界最著名遊戲嘅策略》都有提到。同一時代，拉爾夫安斯波（Ralph Anspach）同帕克兄弟同埋佢嗰時嘅母公司General Mills爭大富翁遊戲嘅牌子。透過Anspach同其他人嘅研究，遊戲初期嘅歷史再次公諸於世。1975年喺巴里法伯嘅紐約市清談節目，Anspach同布雷迪傾大富翁嘅真正歷史。經過長時間訴訟同上訴程序，帕克兄弟持有大富翁商標嘅合法性去到1985年至解決到。帕克兄弟可以繼續持有大富翁商標同埋佢嘅一啲設計。