大窩口道

近葵涌邨

大窩口道，香港一道，喺新界葵涌，行政上歸葵青區。佢橫跨葵涌新區，盤繞山上。依山而建，故此彎彎曲曲。佢由葵興去到大窩口，係連住山兩邊嘅大路。係今下葵興去荃灣，其中一條路。

道起自葵興地鐵站南端，興芳路口。去到聖公會荊冕堂邊，德士古道、荃富街交界。

中間路口有，近基督教香港信義會天恩堂，同葵盛圍交界。近聖公會仁立小學，又再同葵盛圍交界。去到坑坪街遊樂場，同坑坪街交界。近葵涌街坊福利會，同禾塘咀街交界。喺上角街花園，同上角街交界。近循道衛理聯合教會亞斯理堂，又再同上角街交界。之後一直落山，去到關帝廟附近，同石頭街交界。去到大窩口商場，同大廈街交界，近宏華大廈，再同大廈街交界。

有兩個遊樂場以佢命名，大窩口道遊樂場同埋大窩口道南遊樂場。

佢主要經過葵涌邨同大窩口邨。

文

英文寫做Tai Wo Hau Road。