大菴

大菴（英文Tai Om），亦有寫大庵，香港一地，亦係一村，地處林村。北面為坪朗，西面為林錦公路，南面往大菴山。

地方可以由林錦公路，跟住轉入大菴路入大菴。九龍巴士設大庵站，喺林錦公路，由此行入村。

大菴村，村中有大樟樹，有祠堂，祠堂兩側有六德書室同育賢書室，舊時係卜卜齋，坪朗開咗林村公立學校第二校，就停辦。六德書室已列入歷史建築。香港政府設大庵村公廁。

大菴村祖堂叫三達堂，有祖傳工藝品龍鳳雞宅，村民結婚先至借出來。