林錦公路

出自維基百科,自由嘅百科全書
跳去: 定向搵嘢
林錦公路

林錦公路(英文Lam Kam Road),香港馬路之一,顧名思義,林即林村,錦即錦田,貫通林村坳東西兩地,全長五千七百米,香港算係長路。現時公路西面只去到上村,去錦田一段就叫錦田公路。而東面盡頭近圍頭村,再遠駁大埔公路大埔。林錦公路為舊日大埔元朗間必經之路,現時仍有巴士小巴住來兩地。之不過,林錦公路仍舊鄉村公路,並非高速公路,路窄多停頓。故此,想快會繞經粉嶺公路新田公路。路邊多種白千層,即剝皮樹,其幹較軟,有林蔭之餘,車撞亦有所減緩。

一啲名勝,如林村許願樹嘉道理農場暨植物園嘉道理農業研究所凌雲寺梧桐寨瀑布,都靠林錦公路前住。

地理[編輯]

林錦公路按地勢,可分成三段。東段圍頭村到麻布尾,為林村平原,路亦平坦。過村村河後,漸漸昇高,近林村坳就越斜,係大斜路。西段林村坳到上村,可謂急斜,近乎一比八,巴士必須喺林村坳就近嘉道理農場停站。

[編輯]

未有林錦公路之前,鄉人一直有村徑,往來林村坳東西。林錦公路沿用舊時村徑變成,一九五二年三月九號通車,闊五米半。一九九四年,林村平地三千九百米一段,再擴闊到七米三。林村往林村坳斜路,開多條六百米慢車綫。林村坳到上村,難有改善工程。不過有替代高速公路,車流仍足以應付。

路口[編輯]

東端林村交匯處,近圍頭村,可以上落吐露港公路,南去大埔沙田,又可上落粉嶺公路,北去粉嶺上水,亦可經大埔公路大埔頭水圍同大埔。又可行大窩西支路泰亨南華莆九龍坑和合石等地,亦可經康樂園路康樂園

西端上村廻旋處,駁通錦田公路去錦田,荃錦公路去荃灣,錦上路去上村八鄉。錦田公路中途又駁粉錦公路,來往粉嶺錦田之間各村。

中間林村有好多路口,通往各村,有起名者,有林村鄉公所路社山路大菴路大埔水窩路寨乪路