大象天奴
大象天奴，係荔園動物園裏面嘅「鎮園之寶」，係一隻雄性嘅亞洲象，亦都係香港唯一長期飼養嘅大象。佢喺1958年隨同沈常福馬戲團由緬甸嚟到香港表演，之後再運到荔園動物園長住，一直生活喺面積只有幾百平方呎嘅獸籠入面，過住跪地乞食嘅辛酸生活。響1989年2月3號因為染上急性肺炎而被人道毀滅，後嚟被運去將軍澳垃圾堆填區埋葬。呢點已成為1950年代至1970年代香港人嘅重要嘅集體回憶之一。
響動物園裏面，就只有揚子鱷「亞細」，係同佢同年入園。一啲動物權益組織多次向荔園動物園投訴天奴嘅生活問題同照顧情況，亦投訴天奴嘅死係疏忽照顧所致。
據資料顯示，大象「天奴」每日食2餐，分量大約有200斤，包括草、生果、飯等。每日大約花100蚊港幣去養佢。而全盛時期，賣生果嘅小販，每月可賺二、三千蚊港幣。
資料來源[編輯]
- 吳昊，張建浩，《香港老花鏡：生活舊貌》，皇冠出版社，ISBN 962-451-423-2
- 1989年2月，南華早報報導