跳去內容

荔園動物園

改拎
出自維基百科，自由嘅百科全書
92年新運嚟嘅長頸鹿

荔園動物園係喺荔園遊樂場隔籬，面積約10萬平方呎嘅動物園（大約相等於整個荔園嘅7分之1）。佢喺1951年開業，係當時香港第一間私營動物園。佢同香港動植物公園、香港海洋公園成為當時香港3個主要嘅動物園。

養過啲乜

[編輯]

曾經養過好多唔同種類嘅野生動物，分別有熊狸（Binturong，當年荔園譯錯做「熊貓」，係一隻灰黑色嘅靈貓科動物，重係已經盲咗）、箭豬，馬騮、山羊（介紹牌寫係「德國羊」）、梅花鹿、袋鼠(1961年)﹑老虎（係印度虎，1990年代初病逝）、棕熊（80年代）、揚子鱷（叫「亞細」，1952年來港）、水鳥、獅子（分別叫「力奇」同「美美」，1975年1月來港）、黑豹（園內有2隻，其中一隻叫「亞威」，1976年6月來港，直到1993年3月病逝）、禿鷲、孔雀（禿鷲死晒後先至引入）、美洲獅（其中一隻係獅乸「咪咪」，同埋另一隻雄獅於1981年從日本運港）、後期運嚟嘅雙峰駱駝（1980年代尾）同埋長頸鹿（1992年來港，當時重足足花咗30幾萬銀買返嚟）。

荔園動物園地圖

鎮園之寶

[編輯]
内文：大象天奴

最令人難忘嘅，莫過於鎮園之寶：大象天奴，佢喺1958年跟沈常福馬戲團由緬甸來港表演，之後再運到荔園長住。於1989年2月3號因為患急性肺炎而被人道毀滅。呢點已成為1950年代至1970年代香港人嘅重要嘅集體回憶之一。

園內發生過嘅事

[編輯]

另外，動物園過往亦有多個大型展覽，包括1963年嘅「金獅猴」(但報章可能寫錯，有可能係「金獅狨」)，最大嘅灣鱷（叫「好叻」，1989年6月從泰國引入）、西伯利亞虎（分別叫「阿堅」同「瑪利亞」，1990年12月從東德經荷蘭抵達香港）同埋來自泰國嘅兩頭大象（分別喺「蓮寶」同「奧安」，兩次由泰國運到香港展出：1990年同1991年2月）。荔園動物園亦曾發生過動物逃脫事件，先後有走甩老虎（1974年12月）同埋美洲獅（1989年11月）。

結業

[編輯]
深圳動物園嘅駱駝籠。外牆仍保留同荔園一樣嘅沙漠壁畫

由於喺1977年起受到海洋公園競爭，令入場人數下跌。荔園動物園首先喺1993年7月31日閂門大吉，其後超過100隻動物送咗去深圳市野生動物園，一些較老嘅動物就被人道毀滅。至此香港市民再無機會喺香港見到老虎獅子大象啦。

2004年，曾經有人建議響大嶼山起一個更大型嘅動物園，但最後因種種問題擱置。

資料來源

[編輯]
由「https://zh-yue.wikipedia.org/w/index.php?title=荔園動物園&oldid=1257967」收