天氣先生

天氣先生（英文：Freddy）係香港無綫電視《天氣報告》中用嚟報告聽日天氣狀況嘅動畫人物。天氣先生造型動畫化，粉紅色面孔，襯上黃色衫，一直用到今日，背景會定期改變以配合城市發展，天氣先生吹口哨嘅動作，同嗌出「呀！」、「噢！」嘅呢兩個字非常深入民心。

1980年1月1號至到1993年2月28號使用傳統舊動畫，1993年3月1號改為使用電腦動畫，2008年1月1號改回使用傳統新動畫，2009年3月30號改用3D動畫製作嘅天氣先生預報，並以高清技術製作。

天氣效果

編號	天氣狀況	天氣先生行動
01	天晴	會戴上太陽眼鏡，並且吹口哨
02	短暫有陽光	會先講「呀！」，然後再講「噢！」
03	間中有陽光	會先講「噢！」，然後再講「呀！」
04	漸轉天陰	會戴上太陽眼鏡，先講「呀！」，除低太陽眼鏡，然後再講「噢！」
05	漸轉天晴	會開心噉行
06	間中有陽光同有細雨	雨水會從雨雲落下，會打開把遮擋雨
07	短暫有陽光同有大雨	會打開把遮，遮重會有雨滴
08	天晴，漸轉有雨	會打開把遮，遮重會有雨滴
09	有雨，漸轉天晴	會開心噉行
10	天陰	會講「噢！」
11	細雨	雨水會從雨雲落下，會打開把遮擋雨
12	大雨	會打開遮擋雨，遮有漏水
13	豪雨	會戴上潛水裝備喺水中潛行
14	雷雨	會開始落大雨同會行雷閃電起，則傘被打開後唔久會爛
15	雷暴	會俾雷劈，然後極速逃走
16	風雨	會俾風吹起同會開始落大雨，亦會捉緊路邊嘅電燈柱
17	大風	會俾風吹起，亦會捉緊路邊嘅電燈柱
18	大霧	會拎起油燈照明，並會發出「嗚咕」聲
19	潮濕	會上前抹走鏡頭嘅水珠
20	乾燥	地面乾裂，雙手會乾裂，而周圍環境亦會變成枯黃色
21	酷熱	會俾太陽曬熔
22	升溫	會俾TEMP字壓上去（高清舊版本），天氣先生會放溫度計面（3D新版本）
23	降溫	會俾TEMP字壓落去（高清舊版本），或雙手抱住身體行走（3D新版本）
24	寒冷	會凍結成冰
25	大雪	會變成雪人
26	花粉含量劑	會傷風感冒好唔舒服

批評

1980年代嘅《天氣報告》當中，若果天氣先生預告第二日嘅天氣係天晴嘅時候，會生朶花出嚟，佢會摘咗朶花，俾人批評呢個行為缺乏公德心，無綫電視就抽起片段，改為吹口哨嘅方式代替。