天津電視台搏擊頻道
| ||||
|---|---|---|---|---|
| 邊位屬下 | 天津廣播電視台 | |||
| 開播 | 2010年4月30號 | |||
| 停播 | 2016年10月1號 | |||
| 廣播語言 | 普通話 | |||
| 總部位置 |  中國天津和平區衛津路143號 | |||
| 替代頻道 | 天津電視台都市頻道（高清） | |||
| 官方網站 | 頻道官網 | |||
佢既係中國大陸第一間高清嘅格鬥頻道，又係中國大陸唯一以家居專業做全方位服務嘅頻道[1]。頻道播放期間，雖然中國大陸部分地區嘅數字機頂盒都可以收到，但凈限華北同東北地區，兼必須要加錢先至有得睇。部分中國大陸出嘅網上電視軟件冇收到呢個電視台。頻道喺每日01:00～07:00冇節目。
史
[編輯]2010年3月23～25號，天津電視台為咗搞高清版電視而自己申請開辦咗高清嘅體育頻道——搏擊頻道，隨後喺北京舉辦嘅中國國際廣播電視信息網路展覽會擺咗出嚟[1]，重宣佈頻道喺當年4月30號正式開播。頻道開播之後以收費形式面向中國大陸華北同東北地區播出。
2016年9月30號挨晚，雖然頻道繼續正常播出，但天津電視台方喺未向觀眾發佈停播公告情況下，特別向已經訂購咗天津有線或泰達有線嘅收費電視用戶發咗封公告信，話屬下嘅所有收費數碼頻道喺聽日凌晨停播。具體原因眾說紛紜，但估計同收視率太低或頻道嘅節目內容未經過審批有關。
2016年10月1號01:00，搏擊頻道播嗮當日嘅節目後，雖然除天津地區外嘅電視同網上直播信號入咗測色板後一直未恢復播出，但天津地區屬下嘅天津有線、泰達有線嘅機頂盒播出版本全部變成黑屏，帶「對唔住，可能係節目停播或信號檢修嘅原因，請您慢慢等。如有疑問請打客服熱線咨詢」嘅冇信號畫面字樣，留畀觀眾一個大整蠱。
2016年12月10號18:04，原搏擊頻道嘅畫面變成天津電視台都市頻道高清版嘅測試信號。但由於嗰陣嘅海南有線重未將呢條頻道下架，所以海南嘅有線電視用戶可以收睇天津都市頻道高清版嘅測試信號。