好人一生平安

《好人一生平安》係由易茗填詞，雷蕾作曲，李娜演唱。呢隻歌收錄喺《青藏高原》專輯入面。呢隻歌亦係1990年12月由中國中央電視台發行電視劇《渴望》嘅片頭曲。

文化影響

喺香港，「好人一生平安」亦係廣泛用喺長輩圖上面嘅祝福語句。喺2019年反逃犯條例修訂運動入面，有支持者借用「好人一生平安」嘅字句，希望可以吸引老一輩留意反修例嘅資訊。2020年底由民主派主導嘅黃大仙區議會準備印揮春嗰陣想用「一生平安」字句，但政府嘅區議會秘書處認為呢個字句係鼓動市民參與唔合作運動同表達政治訴求，有政治含意，有可能引起社會大眾嘅誤會或導致不安，所以要求改用第啲祝賀語替代，有區議員就反駁「一生平安」係出自中央電視台電視劇「主題曲」（實際上只係片頭曲）嘅歌名《好人一生平安》，認為無理由禁制。

「好人一生平安」亦係乞兒嘅常用標語。