委任證（英文：Warrant card）係一種表明身份同埋職權嘅證明，主要由警察同埋其他執法人員（例如移民官員）戴住。會用到委任證嘅國家，包括英國同其他英聯邦國家，或者係其他有大英帝國歷史嘅地方。呢啲地方以外嘅國家，就會用類似嘅證明文件嚟表明身份，例如：警察身份證、警官證、或者任命冊（英文：commission book）等等。喺英國，除咗警察之外，軍情五處嘅官員亦都會戴住委任證[1]。
