學生簽證

學生簽證（英文：Student Visa）係一種政府出畀非本地學生嘅簽證。一般係喺申請人畀當地嘅學校取錄之後，喺學期開始之前申請。申請人除咗提交大學嗰邊嘅取錄資料，同埋個人資料外，有時仲要證明自己嘅財政能力，顯示佢自己喺留學期間有能力支付機票、學費、生活費等。另外，有啲國家亦會要求有刑事記錄或者英文能力嘅證明。有啲比較嚴謹嘅國家，甚至要求所有提交嘅相關文件都要經過公證行或者一啲官方驗證程序。

呢啲簽證有效期一般會去到至少學生可以畢業，有啲亦會容許學生喺讀書期間打工。