宇文護

出自維基百科,自由嘅百科全書
Jump to navigation Jump to search
宇文護
職業military leader 喺Wikidata改呢個
仔女新興公主 喺Wikidata改呢個
阿爸Q10145704 喺Wikidata改呢個
兄弟姊妹Q10946185 喺Wikidata改呢個

宇文護513年572年4月12號),小字薩保,鮮卑族,代郡武川(家下內蒙古武川西)人,係北周嘅權臣。老頭宇文顥宇文泰嘅大哥,老母係閻姬。宇文護喺北周權傾天下,掌握朝廷大權16年,都督中外諸軍事,位極人臣,官至太師大冢宰中文冢宰,爵至晉國公,諡號盪公。

宇文護係中國史上出名嘅弒君者,執政期間弒害拓跋廓宇文覺宇文毓三位皇帝

556年,宇文泰死,因為宇文泰啲仔重細,遺命宇文護掌管國家大政。宇文護趁宇文泰嘅權勢同影響力重喺處嘅時候,逼西魏恭帝拓跋廓禪位畀周,跟住殺咗拓跋廓。第二年,宇文護扶植宇文覺即位,尊宇文覺稱周天王,建立北周。宇文護成為大司馬,封晉國公。

後來,宇文護廢黜宇文覺,貶為略陽公並幽禁,冇耐就殺咗宇文覺,改立宇文泰嘅庶長子宇文毓,是為明帝。武成二年(560年)四月,宇文護第三次弒君,落毒整死宇文毓,宇文毓口述遺詔以異母弟魯國公宇文邕繼位,是為武帝。

宇文邕扮嗮唔理政事,畀宇文護掌握軍政大權,於是宇文護放鬆咗對宇文邕嘅戒心。天和七年(572年)三月十四,宇文邕使計引咗宇文護入皇宮,宇文護畀匿埋嘅衞王宇文直殺死,宇文護諸子都被處死。