安全帶 (座位)

出自維基百科,自由嘅百科全書
三點式安全帶
飛機上兩點式安全帶
汽車三點式安全帶
汽車三點式安全帶

安全帶交通工具機動遊戲嘅安全裝備,令到搭客固定喺座位度,避免因為突然急停或者轉彎因為慣性而造成意外。

種類[編輯]

座位安全帶類型包括:

  • 車廂司機同乘客用嘅安全帶
  • 兒童座位安全帶
  • 膊頭式安全帶(主要係過山車用)
  • 全身式安全帶(機師用)

安全效果[編輯]

最早期嘅汽車冇安全帶,由於當時未有車身安全結構嘅概念,啲人認為甩身跳出去比壓扁喺車箱度好,不過後嚟遇過好多意外之後發現,車禍嘅人並唔能夠跳出車箱逃生。而經常係因為身體卡喺車門,或者太近其他損壞嘅車,俾自己揸嘅車所壓過而受傷;於是改變咗安全觀念,認為固定喺車度先至係最有效嘅保護,透過伸縮結構同固定結構嘅組合,保障車裏面人嘅安全並減少衝擊。

安全帶只可以一個人使用,絕對唔可以多人共用。雖然現代嘅車輛嘅結構可以減低碰撞,若果唔帶安全帶,有機會會飛出車外,亦可能會撞到車上嘅硬物,就算有安全氣袋,基於慣性原理,突然間碰撞嘅撞擊力非常大。

正確佩戴方法[編輯]

安全帶嘅橫帶應該橫過大脾,而唔係肚,用嚟固定囉柚;斜帶應該橫過膊頭中間,緊貼胸部至鎖骨位置;帶扣應該喺身側邊而唔係身上;必要時,可以調校安全帶長度;確保安全帶冇其他物件纏住或壓住,並且冇扭曲,然後先至扣緊。如果有需要,可以將安全帶適當噉盡量收緊,不過應該令到自己覺得舒適。唔好用夾夾喺安全帶度,因為會令到安全帶嘅功能大大降低。

孕婦佩戴方法[編輯]

孕婦佩戴安全帶,橫帶嗰部分應該調低到兩臀骨位置,即係肚之下同大脾骨之上,將帶緊貼盤骨,盤骨係人體最堅固嘅骨骼之一。唔好將安全帶橫過肚度。斜帶嗰部分應該橫過兩胸中間同肚嘅上面,調校安全帶到舒適為止。如安全帶纏住頸部,可以將座位適當調校。

睇埋[編輯]

出面網頁[編輯]