完顏守緒

出自維基百科,自由嘅百科全書
跳去導覽 跳去搵嘢
完顏守緒
出生日1198年9月25號 喺Wikidata改呢個
死亡日1234年2月9號 喺Wikidata改呢個 (35歲)
死因吊死 喺Wikidata改呢個
國籍金朝 喺Wikidata改呢個
職業aristocrat 喺Wikidata改呢個
配偶Tudan Shi( Wife of Wanyan Shouxu) 喺Wikidata改呢個
阿爸完顏珣 喺Wikidata改呢個
阿媽Empress Minghui 喺Wikidata改呢個
兄弟姊妹Q16075399、Q10947919、Q10947920 喺Wikidata改呢個

金哀宗完顏守緒1198年9月25號1234年2月9號),女真寧甲速,係金朝第九個皇帝(由1224年1月15號做到1234年2月9號,做咗10年)。佢喺金朝就快亡國嘅時候上吊死,享年37歲。

生平[編輯]

哀宗喺金承安三年八月二十三日(1198年9月25號)出世,開頭叫做守禮,係金宣宗三仔,阿媽係明惠皇后。因為皇太子守忠同埋皇太孫都早死,於是喺貞祐四年(1216年)正月,宣宗立守禮做皇太子,同年賜名守緒。元光二年十二月(1224年1月),宣宗死咗,守緒繼位,是為哀宗。正大元年(1224年)六月立妃徒單氏做皇后。

哀宗本來算係一個有作為嘅皇帝,即位後,鼓勵農業生產,唔再侵略,又同西夏修好,推行內部改革,剷除奸佞,重用抗名將,收復咗唔少地,令到金朝呈現一片全新景象。但係嗰時蒙古勢不可當,正大四年(1227年)滅西夏之後就全力滅金。

天興元年(1232年)嘅三峰山之戰,金軍主力打輸仗,金國幾難唔滅亡。之後,蒙軍南下圍汴京,哀宗喺十二月離開汴京,過咗黃河,去到歸德(家下河南商丘),最後到咗蔡州(家下河南汝南),但係蒙古大將史天澤一路咬住唔放,喺蒲城殲滅完顏白撒八萬精兵。天興二年(1233年)八月,蒙古叫宋兵攻唐州(家下河南唐河),哀宗想同宋求和,派使者同宋人講:「蒙古滅國四十,以及西夏,夏亡及我,我亡必及宋。唇亡齒寒,自然之理。」宋人唔理。天興三年正月己酉(儒略曆1234年2月9號),宋蒙聯軍攻破蔡州,哀宗唔想做亡國君,將皇位傳畀將軍完顏承麟,自己喺蔡州幽蘭軒吊頸自殺。末帝完顏承麟知道哀宗死咗之後,「率群臣入哭,諡曰哀宗」,「哭奠未畢,城潰。」末帝同一日死埋,金亡。

參考[編輯]