完顏承麟（—1234年2月9號），女真名呼敦，金朝末代皇帝，叫做金昭宗、金末帝或者金後主。
完顏承麟本來係金朝將領。天興三年（1234年），蒙古、南宋聯軍打到嚟，金哀宗唔想做亡國之君，於是傳咗個帝位畀佢。下旨傳位之後嗰日就舉行即位大典，點知大典都未完宋蒙聯軍已經攻到入城。完顏承麟唯有是是但做完個大典就即刻帶兵出迎，最後死喺亂軍之中。據史學家估計，完顏承麟在位時間唔夠半日，重有講法指出完顏承麟在位時間唔夠一個時辰，令佢做咗中國史上在位時間最短嘅皇帝。
佢死嘅同一日，金哀宗都上吊自殺死咗。
