宜家家居

藍色係設有分店嘅國家；黃色係計劃開舖嘅地區；紅色表示已經撤出

宜家家居（IKEA），原本叫宜家傢俬，係國際傢俬同家居日用品嘅舖頭，1943年喺瑞典開張。佢主要賣一啲簡潔自由組合嘅傢俱及用品，價錢適合唔同階層人士挑選。

分店

香港

依家四間宜家家居香港分店分別喺銅鑼灣（柏寧酒店）、九龍灣（MegaBox）、沙田（新城市中央廣場）同荃灣（中國染廠大廈）。另外有一個「提貨中心」喺西灣河（興東邨），有一間「規劃及訂購中心」喺大埔（大埔超級城）。

宜家家居喺2001年到2015年同無綫電視合作製作過五輯電視節目《宜室宜居有辦法》，又喺2018年合作製作節目《宜室宜居·家添愛》。到2021年宜家家居改同ViuTV合作製作節目《宜家宅急變》。

澳門

2012年，宜家家居喺澳門慕拉士大馬路開咗提貨中心，澳門顧客可以喺香港分店購物或者網上訂購，再運送到澳門提貨中心。

2016年4月，喺澳門旅遊塔2樓，開咗超過3,000尺寬敞空間嘅提貨中心。

宜家家居香港分店進行裁員，有消息話九龍灣副店長已調職去澳門分店做店長，並有30名員工被調去澳門分店做嘢。

2020年4月23號，澳門第一間宜家家居喺星皓廣場開幕。

外鏈

• 宜家家居嘅官方網站 (各國語言)