家誼

家誼超市，又叫做家誼，係廣州原有嘅一個超級市場‎，試過號稱「廣州第一超市」，喺2002年創立。呢個係屬於廣州市政府連鎖商業「明星工程」嘅一部分，係廣州政府「農改超工程」（即傳統街市改生鮮超市）嘅項目。由於政府同私人合資營運度，出現咗唔少嘅風波，最尾被清盤，仲俾廣州城建集團嘅宏城超市接管咗。

組建同發展

家誼係喺2002年3月1號，由廣州友誼商店股份有限公司、廣州市寶鑫實業發展有限公司、廣州發展實業有限公司、廣州市煙草貿易公司、廣州汽車集團商貿有限公司等五間政府持有嘅公司，共同出資先設立，嗰時賬面嘅註冊資本有1億。後尾潮汕嘅林氏家族出讓咗自家超市島內價嘅控股權，加入咗呢個新成立嘅政府項目度。短短一年後，政府傾力打造嘅「農改超」難以為繼，政府持有嘅幾大公司股東就大舉減持咗啲股份。跟著林氏家族旗下兩家公司，一齊收購咗政府減持嘅股份，令林氏喺家誼有7成嘅股權。

但係由於政府嘅財團唔再支持超市嘅發展，林氏資本後期獨自去支撐家誼，啲財政周轉得好唔掂。後尾政府啲股東就喺林氏困難嘅時候再反過嚟，廣州市國有資產管理局、廣州市商業局喺2004年主持嘅政府股東會度正式宣布全面接管家誼，主導返成個嘅超市運作。後尾同政府嘅金融機構（招商銀行廣州環市東路支行）仲跟手入禀法院，要求頒令家誼提前還貸。家誼同島內價就咁加上埋供應商嘅集體控告，喺政府壓力同官司之下一齊被逼交由宏城接管，後尾清盤。