廣州宏城

廣州宏城超市，又叫做廣州宏城或宏城超市，係廣州原有嘅一個超級市場‎，喺1994年創立，係原屬於廣州越秀城建集團嘅全資子公司。宏城超市算係廣州最早嘅社區超市，喺1990年代嘅時期係被稱為廣州本土超市嘅「五朵金花」之一(另幾個係陽光、金田、越秀、廣南)。

由創立開始，就跟著城建集團嘅地產開發，專做配套嘅社區超市業務。到咗大概2010年嘅時候，喺廣州到河源、清遠等地，係擁有著39間直營鋪面、68間加盟店鋪，仲有一個超萬方嘅配送中心。

喺2010年12月尾越秀地產，同埋廣州城建集團相繼將持有嘅宏城超市股權，喺廣州產權交易所掛牌、轉售畀華潤萬家，估值合計有成3740萬人仔。易主華潤後，跟著喺2011年農曆年之後，所有嘅宏城超市都陸續喺2年內改成華潤萬家嘅超市。